عاشقان اہل بیت۲۲رجب المرجب کوقرآن خوانی ونیاز کا اہتمام کریں
سیدناامام جعفر صادق رضی اللہ عنہ خانوادہ نبوت کے عظیم چشم وچراغ
از:عطاءالرحمن نوری ،مالیگاﺅں
ائمہ اہل بیت اطہار میں دلیل وحجت ، ارباب مشاہدہ کے برہان، امام اولادنبی، برگزیدہ نسل علی، سیدنا امام ابو جعفر محمد صادق بن علی بن حسین بن علی مرتضیٰ الملقب بہ الاامام باقر رضی اللہ عنہم ہیں۔ بعض کہتے ہیں کہ آپ کی کنیت ابو عبداللہ تھی۔ علوم کی باریکیوں اور کتاب الٰہی کے رموزواشارات اور اس کے لطائف واضح طور پر بیان کرنے میں آپ کو کمال دسترس تھی۔ آپ پوری پوری رات عبادت وریاضت، درودووظائف کی کثرت میں گذار دیتے۔
ایک مرتبہ آپ کے خادم نے عرض کیا: اے ہمارے امام! یہ گریہ وزاری کاسلسلہ کب تک جاری رہے گا؟ آپ نے فرمایا: ائے دوست! حضرت یعقوب علیہ السلام کے ایک فرزند حضرت یوسف علیہ السلام نظروں سے روپوش ہوئے تھے تو اس پر وہ اتنا روئے تھے کہ ان کی آنکھوں کی بصارت جاتی رہی اور آنکھیں سفید ہو گئی تھی۔ لیکن میرے خاندان سے 18 نفوس حضرت امام حسین رضی اللہ عنہ کی رفاقت میں میدان کربلا میں شہید ہوئے، یہ غم کیا کچھ کم ہے؟ کیا میں ان کے غم وفراق میں اپنے رب کے حضور فریاد کرکے کیوں آنکھیں سفید نہ کروں؟ آپ انتہائی متقی، نیک،عبادت گذار، پارسا اور مخلص تھے۔ آپ نے دین متین کی تاحیات خدمت انجام دی اور آخرکارراہِ خدا میں جان نثار کی۔
صدیوں سے عاشقان اہلبیت آپ کی بارگاہ میں خراج عقیدت پیش کرنے کے لیے 22رجب المرجب کو فاتحہ خوانی کا اہتمام کرتے ہیں ۔ فاتحہ کی اصل ایصال ثواب ہے اور ایصال ثواب جائزو مستحسن امرہے اور ثواب پہنچتا ہے۔ کتب فقہ و عقائد میں تصریح ہے کہ اپنے اعمال خواہ بدنی ہوں یا مالی دوسرے کو ثواب پہنچانے سے انہیں ثواب ملتا ہے اور اس کو بھی ثواب ملتا ہے اور کسی کے ثواب میں کمی نہیں ہوتی۔ فقہ حنفی کی معتبر کتابوں درمختار، ہدایہ نور الایضاح مراقی الفلاح ،شرح فقہ اکبر، شرح عقائد نسفی وغیرہ کتب معتبرہ میں ایصال ثواب کے جائز ہونے کی تصریح موجودہے۔
۲۲رجب کو امام جعفر صادق رحمة اللہ علیہ کی فاتحہ کرانا شرعاً جائز ہے ۔اور دوسرے بزرگوں کی بھی فاتحہ دلانا جائز ہے کہ اصل جائز ہے اور باعث نفع و ثواب ہے۔
آج کل کچھ لوگ بولتے اورلکھتے ہیں کہ۲۲رجب حضرت امام جعفر صادق رضی اللہ تعالیٰ عنہ کی نہ تاریخ ولاد ت ہے نہ تاریخ وفات۔ لہٰذا اس تاریخ پر فاتحہ ناجائز ہے۔ اگر ہم یہ بھی تسلیم کرلیں کہ یہ تاریخ ولادت و وفات نہیں ہے تو بھی ۲۲رجب کو حضرت امام جعفر صادق رضی اللہ تعالیٰ عنہ کی فاتحہ نہ کرنے کی کونسی دلیل ہے۔ بعض لوگ کہتے ہیکہ اس دن حضرت امیر معاویہ رضی اللہ تعالیٰ عنہ کی تاریخ وفات ہے ۔اگرایسا ہے توان کا نام بھی فاتحہ میں شامل کرلیا جائے۔ معترضین حضرت امام جعفر صادق اور امیر معاویہ رضی اللہ تعالیٰ عنہ کی تاریخ وفات کا غلط حوالہ دیتے ہیں، حضرت امیرمعاویہ رضی اللہ تعالیٰ عنہ کی تاریخ وفات4 رجب 68 ہجری ہے اورحضرت امام جعفر صادق کی تاریخ وفات15رجب المرجب 148ہجری ہے۔
یہاں ایک بات اور بھی قابل غور ہے کہ11ربیع الآخر(کہ اس تاریخ پرمسلمان عموماً گیارہویں شریف کی نیازکرتے ہیں) حضرت سیّدنا غوث اعظم رضی اللہ تعالیٰ عنہ کی نہ تاریخ ولادت ہے اور نہ تاریخ وصال، لیکن پھر بھی مسلمانوں کا متفق علیہ معمول یہی ہے کہ اسی تاریخ کوحضور سیّدنا غوث اعظم رضی اللہ تعالیٰ عنہ کی نیاز ہوتی ہے اور ایصال ثواب کیا جاتا ہے۔ یوں تو بزرگان دین کی بارگاہ میں کسی بھی مہینے اور کسی بھی دن ایصال ثواب کیا جا سکتا ہے۔ تاریخ کا تعین اس لیے کیا جاتا ہے کہ بلاناغہ عقیدتوں کاخراج پیش کیا جا سکے۔
معترضین یہ بھی کہہ کر بھولی بھالی عوام کو روکنے کی کوشش کرتے ہے کہ یہ رافضیوں کا طریقہ کار ہے۔ یہ اعتراض بھی کتنا بھونڈا ہے ۔ درحقیقت اسلام میں ہرعمل کا اجروثواب نیت پر ہے۔
ایک شخص نے مسجد کے آگے کھونٹی گاڑی اور دوسرے نے اکھاڑدی، مگر دونوں کوبرابر ثواب ملے گا کیوںکہ پہلے نے اس لیے کھونٹی گاڑی تھی کہ لوگ دوردراز سے مسجد میں آتے ہے مگرجب وہ نماز سے فارغ ہوتے ہے تو ان کے سواری کے جانور انھیں نہیں مل پاتے یعنی نا باندھنے کے باعث وہ اِدھر اُدھر ہوجاتے تھے اور دوسرے نے اس لیے اکھاڑ دی تھی کہ مسجد میں معذور اور نابینا لوگ بھی آتے ہیں جواس کھونٹی کو نہیں دیکھ پاتے اور گرکرزخمی ہوجاتے ہے،
معلوم یہ ہوا کہ دونوں کا عمل مخالف ہے مگر نیت درست ہونے کی وجہ سے دونوں ثواب کے برابر حقدار ہیں۔ اگر رافضیوں کا بھی یہ عمل ہے تو ان کی نیت میں فتور ہے اور ہم نبی کی آل کی بارگاہ میں ایصال ثواب کرتے ہیں۔ اگر رافضیوں کے عمل سے یہ نتیجہ اخذ کیا جائے کہ جو وہ کرتے ہیں ہم وہ نہ کرے تو پھر رافضی کھانا بھی کھاتے ہے، کپڑے بھی پہنتے ہے، اس لیے رافضیوں کے ہر عمل سے اختلاف کرنے والے کھانا بھی چھوڑ دے اور کپڑے بھی ۔۔۔۔۔۔۔۔ جو کہ ممکن نہیں ہے۔ اللہ تعالیٰ ایسے نادان اور اوندھی سمجھ والوں سے محفوظ رکھے ۔
ٹی آر پی اور افواہوں سے دور،سچائی ، دیانت اور انصاف سے قریب ، مبنی بر حقیقت مضامین ،مقالات ، تعلیمی ، انقلابی ، معیاری اور تحقیقی و تفتیشی ویڈیوز کے لیے غیر جانبدار ادارے نوری اکیڈمی کے یوٹیوب چینل ، ویب سائٹس اور سماجی رابطے کی تمام سوشل سائٹس پر اپڈیٹ پانے کے لیے نوری اکیڈمی کو سبسکرائب ، فالو اور لائک کریں۔
..:: FOLLOW US ON ::..
 |
Noori Academy YouTube Channel
|
 |
 |
 |
Posts
No comments:
Post a Comment